Kuida 2015ean etxez etxeko laguntza behar zuten Euskadiko adineko pertsona guztiei lagundu eta haiengana iristeko ilusioz sortutako enpresa bat da. 2019an Terapia Zentro berri bat irekitzeko erronka berri batean murgildu gara. Bertan pertsona guztiei hainbat terapia eskaintzea da asmoa. Etor zaitez gu ezagutzera eta atsegin handiz lagunduko dizugu!
Nora Mateos naiz, orain Gasteizen bizi den ermuar bat. Bokazio eta enpatia asko duen pertsonatzat hartzen dut nire burua, eta asko gustatzen zait jendea. Bizitzari zerbait ona gehitzeko prest nago beti.
Gizarte-langilea naiz eta arlo honetan hasi nintzen momentutik beti izan dut argi nire esparrua pertsona nagusiena izango zela.
Arlo honetan lan egin izan dut, baina proiektu desberdinetan: erabiltzearen arretako arduraduna, egoitza-zentroko zuzendaritza, gizarte-langilea zainketa aringarrietan. Proiektu guzti hauek osotasunez bizi ditut eta denetatik lortu dut jakinduria profesionala eta pertsonala.
Izugarri gustatzen zaizkit txakurrak (batez ere nirea), eskubaloia, udazkena eta nire jendearekin gozatzea. “Gauez pilak kargatzen ditut egunerokotasunean nire dena emateko”.
Landatik ibiltzea, naturaren soinuak eta musika maite duen emakumea naiz. Kuidan daramadan bidea oso aberasgarria izaten ari da, harreman zuzena izan dezakedalako administrazio-arloko pertsonekin.
Tratu indibidualizatu horren ondorioz, egunetik egunera hobeto ulertzen ditut gu ezagutzera hurbildu nahi duenaren egoera eta beharrak. Nire lehentasunetako bat kalitatezko zerbitzu bat eskaintzea da, ardo onak bezala, denboran zehar hobetzen dena.
Bikaintasuna lortzeko, egunero bibrazio eta harmonia onak sentitzen dituen talde bateko kide izatea baino hoberik ez dago, “adiskide onekin, orduak labur” esaten den bezala.
Pertsona proaktiboa naiz, nire buruarekin zorrotza, eta trebetasun sozial ugari dauzkat. Nire ustez, talde-lanak lorpen handiak lortzera bultzatzen du, pertsonen arteko elkar ulertzea funtsezkoa da emaitza eraginkorrak eta talde geldiezina lortzeko.
Kirola maite dut, eta erronka pertsonala eta lanekoa dakarren guztia, nire egunerokoa disfrutatzen dudan erronka da, eta gainditzen ari naiz. Giza indarrik baliotsuena norberaren sinesmenak zalantzan jartzea da, hori funtsezkoa da norbera hazteko/gainditzeko.
Atzerrian ikasi eta lan egiteko aukera izan dut, eta horrek gizakiaren ikuspegi orokorra eman dit. Norberarengan sinetsi behar da eta aukerak aprobetxatu behar dira. Espero dut tratu simetriko, errespetuzko, asertibo eta arduratsu batek beti dituela emaitza onak, bai guretzat, bai enpresa gisa, bai nire ongizaterako, pertsona gisa.
Arespalditzan jaio eta hazi nintzen, ozta-ozta 300 biztanle dituen herri txiki batean, Aiarako ibarraren erdian. Mendiak eta bazter ederrak nituen inguruan, eta txikitatik izan diet begirunea naturari eta animaliei. Publizitatea eta Harreman Publikoak ikasi nituen, eta, geroago, Lanbide Heziketako irakasle-titulua lortu nuen. Lan-ibilbide osoa lantaldeen kudeaketaren eta salmenten alorrean egin dut, eta aukera izan dut sektore konplexu eta askotarikoetan lan egiteko: telekomunikazioak, giza baliabideak, industria-kalitatea… Musikari amateurra naiz, eta atsegin ditut plazer xumeak, hala nola liburu edo komiki on bat, disko on bat, edo bide eta basoetan zeharreko running-saio bat.
Antzinatik, izurdeen gaitasunei esker gizakiekiko lotura handia lortu dute. Eskuzabalak, ausartak eta lagun izaten badakite istorio askotan erakutsi duten bezala, non Itsasgizonen salbatzaile eta babesle giza jartzen baitituzte. Gurekin enpatia izateaz gain, beste animalia batzuekin ere enpatia dutela erakutsi dute.
Istorio ederra kontatuko dizut; Estatu Batuetan, Floridako Marko uharteko kanalean, Turbo izeneko txakur bat galdu zen. Igerian zebilen eta oso nekatuta zegoen. Izurdeek Turbo ikusi zutenean, arazoren bat zuela ikusi zuten eta zalaparta handia egiten hasi ziren suhiltzaileen arreta bereganatzeko. Hau bezalako istorio asko daude eta izurde bat amuleto bezala eramateak, zortea eta babesa ekartzen dizkigu.